10月14日眼科覆診, 本來係9月15日, 點知撞啱打風......真係好黑仔！
眼科醫生係咁於睇下就話眼角瞙冇事啦, 睇野會有雙影係因為散光,
要去眼鏡鋪搵視光師驗, 至於埋得唔好既傷口就要靠自己平時保養,
特別係朝早起身時要温柔d對隻眼, 唔好摔佢......原來聯合眼科係冇
激光做既, 最重要既係就算搵私家做都唔擔保唔會番發, 聽佢既意思
即係叫我唔使做！ 最後淨係開左同上次一樣既眼藥膏同眼藥水......
睇來要改變下宜家既生活習慣......早睡早起先得啦！！！
散光好呀....錢...double, 珠寶, 又double........正
回覆刪除[版主回覆10/21/2009 01:02:00]最衰執屎嗰陣見到既都係 double 呢！
『改變下宜家既生活習慣』
回覆刪除[版主回覆10/21/2009 01:04:00]要慢慢來......要d時間適應......
點解唔睇多個醫生,聽多D 意見,咁樣安全 D 呀.
回覆刪除[版主回覆10/21/2009 01:06:00]睇私家好貴啊！
執金double 都唔錯吖 ，天氣開始涼，要小心你自已身體呀
回覆刪除[版主回覆10/21/2009 03:29:00]執金double？
今晚出去散步真係覺得涼左好多！謝謝 ！
連執金都double....正晒
回覆刪除[版主回覆10/21/2009 14:31:00]哈..哈...
早睡早起好呀,人都靚D呀.
回覆刪除[版主回覆10/21/2009 14:33:00]呢排真係殘左好多
小姐；
回覆刪除請問 ： 你係０７：１５起身定係沒訓過呀？
[版主回覆10/21/2009 15:22:00]姐姐, 你睇清楚d０７：１５係筏印唔係我啊！
我以為你去亞皆老街眼科醫院睇! 我之前眼有事，係去眼科醫院看的，私家普通医生寫紙去嫁！
回覆刪除[版主回覆10/24/2009 01:30:00]咩亞皆老街眼科醫院要有医生寫紙先有得睇架！
我唔知可唔可以直接去看，因為我是拿着醫生紙去看的！看看它的Website
回覆刪除http://www.ha.org.hk/visitor/ha_visitor_index.asp?Content_ID=100159
[版主回覆10/25/2009 20:02:00]好啊！唔該晒
香港所有專科都要有普通科醫生介紹信先可以排期,而家重要分區,用妳個住址黎分區,亞皆老街眼科入面嘅中大眼科就唔使分區,不過價錢同私家差唔多.
回覆刪除[版主回覆10/25/2009 23:55:00]唔該晒 三隻小朋友 媽媽！
我就係分區分左去聯合眼科～
聽朋友講有人做激光驕視做得唔好得返2成視力, 所以如果我隻眼唔係太差的話都唔想冒險......我有八小福需要照顧......唔怕一萬, 只怕萬一......
我都係得翻七成視力,我係發覺得遲,醫得遲,得翻七成視力,已經係最好效果.
回覆刪除[版主回覆10/27/2009 01:01:00]我得閒會去眼鏡鋪驗下眼......