(由細叫到大), 我生左兩粒暗瘡!
樹獺: 下! 暗瘡? 看下! 邊個話你呢兩粒係暗瘡呀?
何B女: 四姨話既!
樹獺: 咁四眼妹媽點講呀?
何B女: 四眼妹媽都話係暗瘡!
隱左形既四姨(細B媽), 唔該你好係十二點後打個電話來解釋清楚你憑咩話
何B女呢兩粒係暗瘡?! 根據樹獺多年美容院工作經驗判斷: 六歲半女童何B
女臉上呢兩粒一定唔係暗瘡!!! 細B媽, 你好自動投案啦!!!!!
下午何B女又是好認真地同我講: 媽咪, 你買個書包, 同埋白色長襪, 同埋黑色
鞋俾我啊! 我返學要用.
樹獺: 下! 四眼妹媽叫你講嫁?
何B女: 唔係啊! 我自己講既!
樹獺: 點解唔叫四眼妹媽買叫我買呀?
何B女: 你唔使返工嗎! 係啦, 對襪要去到膝頭哥個d呢!
樹獺: 四眼妹媽放假去買咩得羅!
何B女: 星期日好忙啊! 又要去公園玩呢!.......
樹獺: 咁星期六呢?
何B女: 星期六又要學琴呢......
樹獺: 咁四眼妹媽俾錢呀?
何B女: 你俾啊!
樹獺: 你有冇錢啊? 要好多錢既喎!
何B女: 我有好多好多散錢, 俾d你啊!
樹獺: 咁你俾幾多我呀?
何B女: 十蚊!
樹獺: ?????????
我諗何B女一到十八歲就會同我講: 媽咪, 你將你d錢過落我戶口啊......
隱左形既四眼妹, 你同我聽住: 你宜加有兩個選擇, 一就係既刻帶何B女返
屋企; 二就係既刻送張沒寫銀碼既支票過來!!!!! 唔該你自己睇下你個女
點樣對我個女!!!! 冇陰公!!!
何B女好開心咁叫我快d睇下妹豬, 我一入房就見到咁既情景......可憐既妹豬......
哈~!媽咪,我又要買...又係要到膝頭哥的...我又有很多零錢呢!!!! 哈~!你外甥女(是不是??)真係過引!超好笑=='
回覆刪除[版主回覆08/12/2009 13:34:00]kenkan 你咁可愛, 到膝頭哥的白色長襪就等姐姐送俾你啦! 你d零錢就要來買你自己喜歡的花花吧......
比何b女佢整到我笑死左
回覆刪除[版主回覆08/12/2009 13:38:00]你可唔可以係笑死之前俾左你d花花我先啊?
又有創意同埋慳番個琴架錢喎
回覆刪除[版主回覆08/13/2009 00:58:00]個琴架仲識行識走添
比你既話= =""我會死左都唔眼閉......日日都飛返黎睇花... 你咁樣會令我升唔到天ga
回覆刪除[版主回覆08/13/2009 00:52:00]我會係屋企整個位俾你住, 等你唔使飛來飛去咁辛苦!
佢俾蛩咬呀..........?
回覆刪除[版主回覆08/14/2009 01:26:00]似俾蚊咬多d
住係你屋企...我咪會比何b女玩死 @.@
回覆刪除[版主回覆08/14/2009 01:33:00]點會呢! 何b女又冇陰陽眼!
況且人得一條命點會死完又死呀?
記得帶盆 4n 來啊! 知嗎?
比蚊咬完爪損左?妹猪好乖囉,二姐妹合作練琴
回覆刪除[版主回覆08/14/2009 01:39:00]似係比蚊咬完爪損左. 妹猪不嬲都唔鐘意何B女...
宜加d貓貓一見何B女就走, 何B女扁晒嘴
hoho~ 你好似多左個女咁~
回覆刪除[版主回覆08/14/2009 19:38:00]貓女狗女無所謂, 人仔女就唔好客氣啦!
睇嚟我要訓練mimi打開張報紙俾我睇先得
回覆刪除[版主回覆08/14/2009 23:26:00]mimi 既身形放報紙岩岩好!
何B女好喜歡你家,唔怕,好快開學啦!
回覆刪除[版主回覆08/14/2009 23:28:00]何B女開學最開心既係我啊!!!
Sorry, 我隻貓同我打字!
回覆刪除[版主回覆08/14/2009 23:31:00]你就好啦! 有隻識打字既貓!!! 羨慕死人啦!
佢哋係不停行來行去呀!
回覆刪除[版主回覆08/16/2009 02:46:00]我d貓咩一樣係咁!